![काठमाडौँ महानगरभित्र रातको १ बजेसम्म देउसीभैलो खेल्न पाइने](https://www.odapalika.com/uploads/posts/balen-shah1695816470.jpg)
काठमाडौं । काठमाडौँ महानगरपालिका भित्र रातीको १ बजेसम्म देउसीभैलो खेल्न सकिने भएको छ । विगतका वर्षहरुमा रातको ९ बजेसम्म मात्र देउसीभैलो खेल्न पाउने समय तोकिनेगरेकोमा महानगरले १ बजेसम्म खुला गरेको हो ।
कामठाडौँ महानगरका प्रमुख बालेन शाहले शुक्रबार एक सूचना जारी गर्दै रातीको १ बजेसम्म देउसीभैलो खेल्न सकिने जनाएका हुन् ।
‘बिगतको बर्षहरुमा कोभिडको कारण तथा सुरक्षाको कारणले गर्दा तिहारमा देउसी भैलो खेल्ने समय काठमाडौ महानगर भित्र राती ९ बजे सम्म मात्र खेल्न अनुमती दिइएको थियो’, उनले जारी गरेको सूचनामा भनिएको छ, ‘ यो बर्ष काठमाडौ महानगर नगर प्रहरीले राती १ बजेसम्म सुरक्षाको लागि पेट्रोलिङको ब्यबस्था मिलाएको छ र सोही समयसम्म मर्यादित भएर देउसी भैलो खेलीदिनु हार्दिक अनुरोध गर्दछौँ ।’
उनले महानगरको निर्णय अनुसार नेपाल प्रहरी तथा जिल्ला प्रशासन कार्यालयलाई सुरक्षाको प्रबन्ध मिलाउन समेत अनुरोध गरेका छन् ।