![जनकपुरधामको छठ दर्शाउने २३ तस्वीर](https://www.odapalika.com/uploads/posts/chhat-janakpur (25)1700366559.jpg)
जनकपुर । आज छठ पर्व अन्तर्गतको मुख्य दिन (सझिया अर्घ) हो । यो पर्वको अवसरमा बिहानैदेखि जनकपुरधाम उपमहानगरपालिका भित्रका नदी, तलाउ र पोखरीहरुमा श्रद्धालुहरुको भीड छ । आज बिहानदेखि जनकपुर धाम उपमहानगरपालिकाको गंगासागरलगायतका तलाउमा ब्रत बस्नेहरुको चहलपहल छ भने यहाँका स्थानीय पोखरीहरु झकिझकाउ छन् ।
ब्रत बसेका ब्रतालुले साँझपवित्र जलाशयमा सजाइएको घाटमा मिष्ठान्न परिकार राखिएका डाली हातमा उठाएर अस्ताउँदो सूर्यलाई पहिलो अर्घ दिनेछन् । यो विधिलाई मिथिलाको बोलीचालीमा ‘सझिया घाट’ र ‘सझुका अरख’ भन्ने चलन छ। मिथिला अहिले ‘सझुका अरख’ को तयारीमा छ । विशेषगरी अहिले जनकपुरको गंगा सागर झकिझकाउ पारिएको छ ।
कात्तिक शुक्ल चतुर्थीदेखि सप्तमीसम्म मनाइने यो पर्वमा सूर्य र ब्रह्माका मानसपुत्री छठी (षष्ठी)को उपासना र पूजा गरी मनाइन्छ । आज रातभर जागा बसी कात्तिक शुक्ल सप्तमीका दिन बिहान उदाउँदो सूर्यलाई पूजा आराधना गरी विधिपूर्वक अर्घ्य दिएपछि यो पर्व समापन हुन्छ ।