ललितपुर । ललितपुरको महांकाल गाउँपालिकाले पालिका भित्रका ज्येष्ठ नागरिकको गत आर्थिक वर्षको अन्तिम किस्ताको सामाजिक सुरक्षा भत्ता वितरण थालेको छ ।
पालिकाका अनुसार आज र भोलि वडा नम्बर २ मानिखेलका ज्येष्ठ नागरिकलाई गोटिखेलको लक्ष्मी सनराइज बैंकबाट वितरण गर्दै छ ।
पालिका अध्यक्ष गणेश बहादुर कार्कीका अनुसार ७ र ८ साउनमा वडा नम्बर १ वुखेलका ज्येष्ठ नागरिकलाई भत्ता वितरण गरिएको छ ।
११ र १२ साउनमा वडा नम्वर ३ गोटिखेलकालाई, १४ र १५ गते वडा नम्बर ४ कालेश्वरका ज्येष्ठ नागरिकलाई भत्ता वाँढ्ने कार्यक्रम छ ।
पालिकाले जारी गरेको सूचना अनुसार वडा नम्बर ५ चन्दनपुरका ज्येष्ठ नागरिकलाई १६ र १७ साउनमा र वडा नम्बर ६ ठुलादुर्लुङका ज्येष्ठ नागरिकलाई भने १८ र १९ साउनमा भत्ता बाँढ्ने कार्यक्रम छ ।
पालिकाभित्रका सबै ज्येष्ठ नागरिकले भत्ता लिनका लागि गोटिखेल भने पुग्नै पर्नेछ ।
भत्ता लिन आउन नसक्नेले भने वडा कार्यालयको सिफारिससहितका कागजात लिएर आफन्तलाई भत्ता बुझ्न पठाउन सक्ने पालिकाले जनाएको छ ।
यसअघि पालिकाले भत्ता लिन योग्य नागरिकलाई सामाजिक सुरक्षा भत्ता परिचयपत्र नविकरण गर्न १ भदौसम्मको समय दिएर सूचना जारी गरिसकेको छ ।
