ललितपुर । ललितपुर महानगरपालिकाले मंगलबजारदेखि लगनखेल क्षेत्रका सडक पेटी र फुटपाथमा पसल राख्न रोकेपछि सामाजिक अभियन्ता ईः उभिएर विरोध जनाउन ललितपुर पुग्ने भएका छन् ।
यसअघि काठमाडौँ महानगरको फुटपाथ व्यापारी हटाउने निर्णयविरुद्ध पनि उनले लामो समय महानगर अघि उभिएर विरोध प्रर्दशन गरेका थिए ।
उनको यो विरोधपछि महानगरले फुटपाथ व्यापारीलाई व्यवस्थित स्थानमा स्थानान्तरण गर्ने प्रक्रिया अघि वढाइसकेको छ ।
काठमाडौँ महानगरले आइतवारबाट मंगलबजारदेखि लगनखेलसम्मको क्षेत्रमा फुटपाथ व्यवसाय गर्न नदिने निर्णय कार्यान्वयन थालेको छ ।
सडक छेउका सटर व्यवसायीले सटरको छेउका खाली जग्गा २० हजार रुपैयाँसम्म लिएर फुटपाथ व्यवसाय गर्नेलाई भाडामा लगाएको र ती स्थानमा व्यापारीहरुको बाक्लो उपस्थितिका कारण सडक र सौन्दर्य अस्तव्यस्त भएको भन्दै महानगरले आइतबारबाट फुटपाथमा पसल राख्न दिएको छैन ।
महानगरको यो निर्णय विरुद्ध सामाजिक अभियन्ता ईःले ललितपुर उभिएर विरोध जनाउने घोषणा गरेका हुन् ।
