काठमाडौँ । प्रभु महालक्ष्मी लाइफ इन्स्योरेन्सले हकप्रद सेयर निष्कासन गर्ने भएको छ ।

पुस १ गते बसेको कम्पनी सञ्चालक समितिको बैठले आफ्नो चुक्ता पुँजी पाँच अर्ब रुपैयाँ पुर्याउनका लागि १७ प्रतिशत हकप्रद सेयर जारी गर्ने निर्णय गरेको हो । हाल कम्पनीको चुक्ता पुँजी ४ अर्ब २९ करोड ६० लाख रुपैयाँ रहेको छ ।

नेपाल बीमा प्राधिकरणको स्वीकृति तथा आगामी साधारण सभाबाट पास गरेपछि कम्पनीले सो मात्रामा हकप्रद सेयर जारी गर्नेछ ।

१७ प्रतिशत हकप्रद पछि कम्पनीको चुक्ता पुँजी ५ अर्ब २ करोड ६३ लाख रुपैयाँ पुग्ने छ ।