काठमाडौँ । रौतहटको यमुनामाइ गाउँपालिकाका प्रमुख प्रशासकीय अधिकृत ओमप्रकाश यादव अदालतको आदेश बोकेर कडा सुरक्षा घेराबीच गाउँपालिकामा हाजिर भएका छन् । 

गत २२ मंसिरमा जिल्ला समन्वय समिति रौतहटबाट यमुनामाइ गाउँपालिकामा सरुवा भएका यादवलाई पालिका अध्यक्षसहित जनप्रतिनिधिले हाजिर गर्न नदिएपछि उनी उच्च अदालत जनकपुर पुगेका थिए । 

हेर्नुहोस् सरुवाको पत्र 

अदालतले संघीय मामिला तथा सामान्य प्रशासन मनत्रालयले सरुवा गरेको यमुनामाइ गाउँपालिकामा हाजिर हुन दिनु भनेर अन्तरिम आदेश दिएपछि उनी आइतवार प्रहरी सुरुषाघेराका बीच पालिकामा हाजिर भएका हुन् । 

हेर्नुहोस् अदालतको आदेश 

संघीय मामिला तथा समान्य प्रशासन मन्त्रालयले २२ मंसिरमा   जिल्ला समन्वय समिति रौतहटमा शाखा अधिकृतका रुपमा कार्यरत यादवलाई यमुनामाइमा सरुवा गरेको थियो । त्यसअघि १३ मंसिरमा गाउँपालिकामै कार्यरत कविराज सातौं तहका कर्मचारी राम श्रेष्ठलाई मन्त्रालयले प्रमुख प्रशासकीय अधिकृतको जिम्मेवारी दिएको थियो ।

उनको जिम्मेवारी ८ दिनमै खोसेर मन्त्रालयले यादवलाई अधिकृत तोकेपछि जनप्रतिनिधिसहित स्थानीयले विरोध गर्दै यादवलाई हाजिर हुन रोक लगाएका थिए । 

तर यादवले उच्च अदालतमा हाजिर हुन पाउनुपर्ने माग गर्दै रिट निवेदन हाले । उनको रिमा सुनुवाई गर्दै उच्च अदालत जनकपुर को अस्थायी इजलास बीरगंजले गत ३ पुसमा हाजिर गर्न दिनु भनेर अन्तरिम आदेश दियो । 

उनलाई हाजिर गर्न नदिने भन्दैस्थानीय गाउँपालिका प्रवेशद्वारमा जम्मा भएपछि प्रहरी सुरक्षाका बीच उनले हाजिर गरेका हुन् । यादवलाई हाजिर हुन नदिन जनप्रतिनिधि नै गेटमा धर्ना बसेका थिए ।