काठमाडौँ । जल तथा मौसम विज्ञान विभागले आज देशका पहाडी भागमा वर्ष हुनसक्ने बताएको छ ।
उच्च पहाडी तथा हिमाली क्षेत्रमा हिमपातको सम्भावना बताएका छ भने तराईका अधिकांश स्थानमा हुस्सु र कुहिरोले ढाक्ने भनेको छ ।
विभागले दिउँसो पहाडी भू–भागमा आंशिकदेखि साधारणतया बदली रहने जनाएको छ । बाँकी भू–भागमा आंशिक बदलीदेखि मौसम सफा रहने भनेको छ ।
विभागका अनुसार राति पहाडी भू–भागमा आंशिकदेखि साधारणतया बदली रहनेछ । बाँकी भू–भागमा आंशिक बदली हुनसक्ने सम्भावना भनेको छ ।
राति कोसी, गण्डकी र कर्णाली प्रदेशका पहाडी भू–भागका एकदुई स्थानमा हल्का वर्षाको सम्भावना रहेको छ । उच्च पहाडी तथा हिमाली भू–भागका एकदुई स्थानमा हल्का हिमपातको सम्भावना रहेको बिभागको भनाइ छ ।
बंगलादेशको दक्षिण भू–भाग आसपास रहेको न्यूनचापीय प्रणालीको आंशिक प्रभाव नेपालको मौसममा परेको कारण केही भागमा वर्षा र हिमपात हुनसक्ने तर्क विभागको छ ।
