पाँचथर । फिदिम नगरपालिकाले हरेक वडालाई ५ वटाका दरले धान, मकै र गहुँ कुटानी पिसानीका लागि मिल वितरण गरेको छ ।
पालिकाबासीले धान मकैलगायतका सामग्री कुटानी पिसानी गर्न समस्या भएको गुनासो गरेपछि नगरपालिकाले इ विडिङमार्फत कम्वाइन राइस मिल किनेर हरेक वडामा वितरण गरेको हो ।
‘किसानहरुको अधिक मागका कारण अघिल्लो आर्थिक वर्षकै बजेटबाट ७० वटा मिल किनेर हरेक वडामा ५ वटाका दरले बितरण गरेका छौं । यसले कृषकहरुलाई आफ्नै टोलमा कुटानी पिसानी गर्न सजिलो भएको छ,’ गाउँपालिका अध्यक्ष मित्र प्रसाद काफ्लेले भने ।
‘व्यवसाय प्रवद्र्धनका लागि नगरपालिका’ कार्यक्रम अन्तरगत नगर विकास कोषबाट इबिडिङ मार्फत कम्बाईन राईस मिल खरिद गरिएको उनको भनाइ छ ।
घर, छर छिमेकीमा मिल सञ्चालन भएपछि समय बचत र सहज रूपमा कुटानी पिसानी भएको स्थानीयको भनाइ छ ।
पालिकाले आगामी वर्ष यस्ता मिल थप गर्दै लाने लक्ष्य लिएको अध्यक्ष काफ्ले बताउँछन् ।
