काठमाडौँ । अध्यागमन विभागले भिजिट भिसासम्बन्धि १३ बुँदे ट्राभल एडभाइजरी जारी गर्दै सचेतनाका लागि ७५३ स्थानीय तहलाई पत्राचार गरेको छ ।
अध्यागमन विभागले गृहमन्त्रीस्तरीय निर्णयबाट १३ बुँदे ट्राभल एडभाइजरी (यात्रा सहजीकरण परामर्श) जारी भएको र यो अनुसार बिदेश जाने नागरिकमा सचेतना जगाइदिन भन्दै स्थानीय तहलाई पत्राचार गरेको हो ।
गृहमन्त्री नारायणकाजी श्रेष्ठले ८ माघमा नयाँ ट्राभल एडभाइजरी जारी गर्ने निर्णय गरेपछि अध्यागमन विभागमार्फत सबै स्थानीय तहमा परिपत्र गरिएको हो ।
भिजिट भिसामा विदेश गइ गैरकानुनी रुपमा काम गर्ने, श्रम शोषणलगायत अन्य शारीरिक र मानसिक शोषण हुने, अलपत्र पर्नेलगायतका समस्या वढेको भन्दै सरकारले नयाँ एडभाइजरी जारी गरेको छ ।
मन्त्रालयले बिचौलियालाई रकम नबुझाउन, भ्रमणको उद्धेश्यविपरित यात्रा गरे¬को या नगरेको यकिन गर्नलगायतका बुँदा समेटेर एडभाइजरी जारी गरेको हो ।
यो एडभाइजरीलाई वडातहसम्म लगेर सचेतना जगाइदिन विभागले सबै स्थानीय तहहरुलाई आग्रह गरको छ ।
हेर्नुहोस् एडभाइजरी
