काठमाडौँ । बैतडीको डिलाशैनी गाउँपालिकाले गाउँघरबाटै भत्ता सामाजिक सुरक्षा भत्ता बितरण गरेको छ ।
पालिकाको सामाजिक सुरक्षा तथा पञ्जीकरण शाखाले कुमारी बैंकसँगको सहकार्यमा गाउँ गाउँ पुगेर सामाजिक सुरक्षा भत्ता भुक्तानी शिविर सञ्चालन गरेको छ ।
शिविर मार्फत दोस्रो त्रैमासिक सामाजिक सुरक्षा भत्ता वितरण धमाधम भइरहेको गाउँपािलका अध्यक्ष सन्तोष प्रकाश जोशीले जानकारी दिए ।
गाउँपालिकाको पञ्जीकरण शाखा प्रमुख लोक राज जोशीका अनुसार कुमारी बैंक र डिलासैनी गाउँपालिकाको सँयुक्त आयोजनामा ५ माघबाट वडा तथा गाउँगाउँ पुगेर सामाजिक सुरक्षा भत्ता बैंङ्किङ प्रणाली मार्फत वितरण गरिएको हो ।
उनकाअनुसार अझै यो क्रम जारी नै छ । वडा नम्बर २ र ३ मा बाँकी रहेको जोशीले बताए । बाँकी रहेको वडा नम्बर २ बाटपनि बिहीवारबाट सुरु गरिएको र वडा नम्बर ३ मा १४ माघमा भत्ता वितरण हुने उनको भनाइ छ ।
