काठमाडौँ । जुम्लाको तिला गाउँपालिकाका महिला समुहको सक्रियतामा गाउँमै प्रविधयिुक्त घाँस र दान उत्पादन सुरु भएको छ ।
गाउँपालिकाको वडा नम्बर ३ मा रहेको हिमाली महिला तथा बचत ऋण सहकारी संस्थाले पशु बस्तुका लागि हाइड्रोपोनिक प्रविधिबाट घास तथा दाना उत्पादन गर्न थालेको छ ।
गहुँ, जौ, मकैबाट दानासहित घास उत्पादन गरिरहेका महिला समूहले विस्तारै यी घाँस बेचेर आम्दानी लिने अवस्था बन्दै गएको बताएका छन् ।
गाईभैसीलाई खुवाउन भिटामिन युक्त घाँस र खाना उत्पादनमा सहकारीका महिलाहरु जुटेका छन् । उनीहरुले ५० केजी भन्दा बढी घाँस बिक्रीसमेत गरिससको बताए ।
महिला समूहलाई घाँस र दान उत्पादन गर्न यूएसए आईडीले आर्थिक र विन्डपावर नेपालले प्राविधिक सहयोग गरेको छ ।
विन्ड पावर नेपालका प्रमुख कार्यकारी निर्देशक कुशल गुरुङले चैपायामा निर्भर आहारा, सुख्खायाममा पनि पाउने उद्देश्यले यो प्रविधिबाट चारो तथा घाँस उत्पादनमा सहयोग गरेको बताए ।
समूहले एक किलो दानाबाट ८ केजीसम्म उत्पादन गरिरहेका छन् । गुरुङकाअनुसार हिमाली क्षेत्रमा यो प्रविधि पहिलो पटक प्रयोग गरिएको हो ।
सहकारी अध्यक्ष सत्यदेवी भट्टराई हिउँदमा सुख्खा हुने भएकाले हरियो घाँस उत्पादन गर्ने प्रविधिले कृषकहरुलाइ सजिलो हुने बताइन् ।
उनका अनुसार यो प्रविधिबाट १२ घण्टा पानीमा भिजाउने त्यसपछि पखालेर २४ घण्टा थैलोमा राखेपछि हरियो घाँस उत्पादन हुन्छ ।
