काठमाडौँ । जल तथा मौसम विज्ञान विभागले देशभरबाट जाडो विस्तारै हट्दै जान थालेको बताएको छ ।
जल तथा मौसम विज्ञान विभागको तथ्यांकअनुसार आज बिहान ६ः ०० बजे काठमाडौँको तापक्रम ३.३ डिग्री सेल्सियस मापन गरिएको छ ।
सोमबार काठमाडौंको न्यूनतम तापक्रम ६.७ डिग्री सेल्सियस थियो । मंगलबार न्यूनतम तापक्रम ३.५ डिग्री सेल्सियस मापन गरिएको थियो ।
३ दिनयता काठमाडौंको तापक्रम लगातार घटे पनि यस वर्ष अब यो भन्दा धेरै तल जाने सम्भावना नरहेको मौसमविद्हरु बताउँछन् ।
पानी परेका कारण केही चिसो महसुस भएपनि अब काठमाडौं र पहाडी भू–भागमा अब विस्तारै तापक्रम बढ्दै जाने विभागले जनाएको छ ।
विभागका अनुसार आज दिउँसो लुम्बिनी, सुदूरपश्चिम प्रदेश लगायत देशको पहाडी भू–भागमा आंशिक बदली रही बाँकी भू–भागमा मौसम मुख्यतया सफा रहने छ ।
गण्डकी र कर्णाली प्रदेशको उच्च पहाडी तथा हिमाली भू–भागका एक–दुई स्थानमा हल्का हिमपातको सम्भावना छ ।
राति गण्डकी र कर्णाली प्रदेशको पहाडी भू–भागमा आंशिक बदली रही बाँकी भू–भागा मौसम मुख्यतया सफा रहने छ ।
गण्डकी र कर्णाली प्रदेशको उच्च पहाडी तथा हिमाली भू–भागका एक–दुई स्थानमा हल्का हिमपातको सम्भावना भने रहेको विभागको भनाइ छ ।
