काठमाडाैँ । सिन्धुपाल्चोकको लिसंखु पाखर गाउँपालिकाले पालिका गान रचना गरेर पठाउन सार्वजनिक प्रस्ताव आह्वान गरेको छ ।
पालिकाले दोस्रोपटक सूचना जारी गर्दै पालिका गानको रचना गर्न प्रस्ताव आह्वान गरेको हो । यसअघि ७ मंसिरमा पनि पालिकाले गानको रचना गरेर पठाउन आह्ववान गरेको थियो । तर गानका लागि आवश्यक प्रस्ताव अनाअएपछि १५ दिनको समय दिएर पालिकाले गत ८ माघमा पुनः सूचना जारी गरेको थियो ।
पालिकाका सुचना अधिकारी पंख थापाका अनुसार ३ पटकसम्म सूचना जारी गर्दा बल्ल ८ जनाले पालिका गान लेखेर पठाएको जानकारी दिए ।
‘निर्धारित समयभित्र जम्मा ८ जनाको आवेदन आएको छ, अब यसमा मूल्यांकन भएर निर्णय हुन्छ होला,’ उनले वडापालिकासँग भने ।
उनका अनुसार पालिका गानमा छनौट भएको रचनालाई २५ हजार रुपैयाँ नगद र प्रमाणपत्रले सम्मान गर्ने पालिकाको नीति छ ।
पालिकाले कम्तीमा ४० र वढीमा ७० शव्दमा पालिका गान रचना गरेर पठाउन भनेको थियो । यस्तो गानले जातीय विभेद गर्न नुहुने, साम्प्रदायिक र राष्ट्रिय अखण्डतामा प्रतिकूल असर पर्न नहुने सर्त राखिएको छ ।
