काठमाडाैँ । पश्चिमी वायुको न्यून चापीय प्रणालीको आंशिक प्रभावका कारण आज देशका केही भागमा वदली हुने देखिएको छ ।
जल तथा मौसम विज्ञान विभागका अनुसार अहिले देशका पहाडी भू–भागमा आंशिक बदली रही बाँकी भू–भागको मौसम मुख्यतया सफा छ ।
आज शिवरात्रि पर्व परेको छ । यो पर्वका दिन देशका केही भागमा बाहेक अन्यत्र मौसम खराव हुने र पानी पर्ने सम्भावना न्यून रहेको विभागको भनाइ छ ।
दिउँसो देशको पहाडी भू–भागमा आंशिक बदली रही बाँकी भू–भागमा मौसम मुख्यतया सफा रहने छ ।
कोशी, बागमती र गण्डकी प्रदेशको उच्च पहाडी तथा हिमाली भू–भागका एक–दुई स्थानमा हल्का हिमपातको सम्भावना रहेको विभागले जानकारी दिएको छ ।
आज राति देशको पहाडी भू–भागमा आंशिक बदली रहने र बाँकी भू–भागमा मौसम मुख्यतया सफा रहने मौसम विभागले जनाएको छ ।
आज कोशी र गण्डकी प्रदेशको उच्च पहाडी तथा हिमाली भू–भागका एक–दुई स्थानमा हल्का हिमपातको सम्भावना पनि छ ।
