२१ देखि ९० वर्षसम्मका ३५ हजार महिला जनप्रतिनिधिले हाँक्दैछन् स्थानीय सरकार

वडापालिका शुक्रबार, फागुन २५, २०८०

२१ देखि ९० वर्षसम्मका ३५ हजार महिला जनप्रतिनिधिले हाँक्दैछन् स्थानीय सरकार

काठमाडौँ । राजनीतिक दलहरुबीचको गठवन्धन संस्कृतिलाई चिर्दै नेपालका स्थानीय तहहरुमा महिला जनप्रतिनिधिले तुलनात्मक रुपमा पकड जमाउँदै गएको देखिएको छ ।

२०७९ सालमा भएको स्थानयि तह निर्वाचनमा संवेधानिक बाध्यताबाहेकका पदमा समेत प्रतिस्पर्धा गरेर महिलाहरु निर्वाचित मात्र भएनन, निर्वाचित भएपछि अव्वल कामसमेत गरेर देखाइरहेका छन् ।

गएको स्थानीय त निर्वाचनमा पाँच दलीय गठबन्धन बनेकाले उपप्रमुखमा महिलाको उम्मेदवारी नै कम परेको थियो ।

महानगरपालिका, उपमहानगरपालिका, नगरपालिका, गाउँपालिकामा एउटै दलबाट प्रमुख र उपप्रमुखमा उम्मेदवारी दर्ता नभएका कारण अधिकांश स्तानीय तहमा महिला प्राथमिकतामा पर्न सकेनन् ।

बाध्यात्मकबाहेकका पदमा अपेक्षाअनुसार महिला उम्मेदवारी पर्न नसके पनि देशभरका स्थानीय तहमा ४१ प्रतिशत भन्दा वढी महिला जनप्रतिनिधित्व छ ।

२१ देखि ९० वर्षसम्मका महिलाले स्थानीय तहमा जनप्रतिनिधिका रुपका काम गरिरहेका छन् भने २०७४ सालको स्थानीय तह निर्वाचनमा भन्दा यसपटक एक प्रतिशत भन्दा वढी महिला जनप्रतिनिधि निर्वाचित भएर जनताको काम गरिरहेका छन् ।

निर्वाचन आयोगको तथ्यांकलाई हेर्ने हो भने देशभर ३४ हजार ९५३ महिला जनप्रतिनिधि निर्वाचित भएका छन् । जुन ४१.२१ प्रतिशत हो ।

गाउँपालिका, नगरपालिका, उपमहानगरपालिका र महानगरपालिकाका प्रमुख पदमा २५ महिलाले हाल नेतृत्व गरिरहेका छन् ।

आयोगका अनुसार महिला प्रतिनिधित्वको तथ्यांक यस्तो छ:

गाउँपालिका, नगरपालिका, उपमहानगरपालिका र महानगरपालिका प्रमुखः २५ जना

उम्मेदवारी दिएका महिलाः ५५ हजार ६९९ जना

रिक्त दलित महिला वडा सदस्यः १२३ जना

नगरपालिका, उपमहानगर, महानगरपालिका प्रमुखः १३ जना

गाउँपालिका अध्यक्षः १२ जना

नगरपालिका, उपमहानगर, महानगरपालिका उपप्रमुखः २२९ जना

गाउँपालिका उपाध्यक्षः ३३५ जना

प्रमुख/अध्यक्ष र उपप्रमुख/उपाध्यक्ष जम्माः ५६४ जना

वडा अध्यक्षः ६९ जना