काठमाडौं । अविरल वर्षपछि आएको वाढी पहिरोका कारण काठमाडौं उपत्यका छिर्ने ३ वटा नाका बन्द अवरुद्ध भएका छन् ।
चितवनको इच्छाकामना गाउँपालिका वडा नम्बर ६ को कालिखोलामा पहिरो खस्दा नारायणगढ–मुग्लिन सडक अवरुद्ध भएको छ ।
स्थानीय जनप्रतिनिधिका अनुसार आज बिहान लेदोसहितको पहिरो खसेसँगै सडक अवरुद्ध भएको हो ।सडक अवरुद्ध भएपछि सो सडक भएर गुड्ने सवारीसाधन अलपत्र परेका छन् ।
उता पहिरोका कारण उपत्यका छिर्ने कान्ति लोकपथ र मदन भण्डारीमार्ग पनि अवरुद्ध भएको प्रहरीले जनाएको छ ।
गए राति मकवानपुरको भीमफेदी गाउँपालिका–२ ज्यालटारस्थित मदन भण्डारीमार्ग हेटौँडा–भैसे–भीमफेदी–कुलेखानी–काठमाडाँै सडकखण्डमा पहिराका कारण बाटो अवरोध भएको छ ।
प्रहरी सहायक निरीक्षकको कमाण्डमा खटिएको टोलीलेसमेत पहािरे पन्छाउन नसकेपछि तत्काल यो वाटो खुल्ने अवस्था नगरहेको मकवानपुर प्रहरी प्रवक्ता टेकबहादुर कार्कीले जानकारी दिए ।
मकवानपुरको बकैया–११ लामराङस्थित कान्तिलोक पथ सडकखण्डमा पहिरो खसेपछि दुइतर्फी सवारी अवरुद्ध भएको छ ।
उता, पहिरो खसेपछि सिद्धार्थ राजमार्गको बुटवल–पाल्पा खण्ड अवरुद्ध भएको छ । पाल्पाको तिनाउ गाउँपालिका–३,रामापिथेकस पार्क क्षेत्रमा माथिबाट लेदोसहित ठूलो पहिरो खसेपछि मंगलबार बिहानैदेखि राजमार्ग अवरुद्ध छ ।
