मकवानपुर । मकवानपुरको बाग्मती गाउँपालिकामा मकवानपुर । जिल्लाको वाग्मती गाउँपालिका–५ भोर्लेनीमा पहिरोले घर बगाउँदा १ जनाको ज्यान गएको छ । पहिरोमा परेर ५ जना वेपत्ता भएका छन् ।
गत राति पहिरोले घर बगाउँदा एकै घरका सुतिरहेकालाई बगाएको हो । पहिरोले भोर्लेनीका धारापानी स्याङ्तानको घर बगाउँदा स्याङ्तान, उनकी पत्नी, छोरी, ज्वाइँ र दुई जना बालबालिका बेपत्ता भएका छन् ।
पहिरोमा परि घाइते एक जनाको जीवितै उद्धार गरिएको भए पनि उपचारको क्रममा ज्यान गएको वाग्मती गाउँपालिका–५ का वडाध्यक्ष विजयकुमार भ्लोनले जनाकारी दिए । बेपत्ता र मृतकको नाम खुली नसकेको उनले बताए ।
राति घरमा सुतिरहेको बेला घरमाथिबाट पहिरो आएर घर नै बगाएको भ्लोनले बताए । ‘सबै जना निदाएको बेला माथिबाट पहिरो र खहरे पसेछ, घर नै उछिट्याएर वाग्मतीमा र्पुयाएछ, पहिरोमा परेका मध्ये एक जनालाई जीवित नै फेला पारियो तर बचाउन सकिएन’, उनले भने ।
पहिरोमा एकै परिवारका मानिसहरू बेपत्ता भएपनि घटनास्थलमा पुग्न नसकिएको गाउँपालिका उपाध्यक्ष फनिन्द्रकुमार तिमल्सिनाले बताए । बाटो बिग्रिएको ले जान समस्या भइरहेपनि वैकलीपक मार्ग खोजवेर घटनास्थल जाादै गरेको उनले जानकारी दिए ।