काठमाडौँ । डोल्पाको विकट क्षेत्रमा रहेको छार्का तासोङ गाउँपालिकाले पालिकाको निगरानीका लागि सिसी क्यामेरा र पालिकामा डिजिटल बोर्ड राखेको छ ।
प्रविधिसँग जोडिनका लागि सिसीटिभी क्यामेरा जडान गरिएको गाउँपालिका अध्यक्ष सेनाङ गुरुङले जानकारी दिए ।
घरधुरी र जनसंख्याको हिसावले सानो यो पालिकामा जम्मा १६७२ जनाको बसोबास छ । पालिकाभर जम्मा ३२० घरधुरी छन् ।
जहाँ जाडो समयमा तापक्रम माइनस १० डिग्रीसम्ममा झर्छ । पालिकालाइृ प्रविधिमैत्री बनाउँदै लैजाने अभियान जारी रहेपनि हिमाी जिल्ला र विकट क्षेत्र भएकाले पूर्वाधार विकासमा समस्या रहेको अध्यक्ष गुरुङ बताउँछन् ।
जनसंख्या कम भएपनि पालिकालाई पूर्ण साक्षर घोषणा गरिएको छ । गत पुसमा पालिकालाई पूर्ण साक्षर पालिका घोषणा गरिएको हो । गत कात्तिकमा मात्र यो पालिका राष्ट्रिय सडक सञ्जालसँग जोडिएको छ ।
अब यहाँका स्थानीयले सामान किन्न हप्तौ लगाएर मुस्ताङसम्म आउनुपर्ने वाध्यता हटेको छ ।
