काठमाडौँ । जल तथा मौसम विज्ञान विभागले आज देशका ४ वटा प्रदेशको मौसममा बदली आने जनाएको छ ।
जसका कारण देशका केही भू–भागमा आज पानी पर्ने सम्भावना छ भनेक कतैकतै मेघगर्जन र चट्याङसहितको पानी पनि पर्नसक्ने अवस्था छ ।
जल तथा मौसम विज्ञान विभागका अनुसार बिहान सुदूरपश्चिम, कर्णाली, लुम्बिनी र गण्डकी प्रदेशलगायत पहाडी भू–भागमा आंशिक बदली हँदा अन्य भागको मौसम सफा नै रहनेछ ।
विभागले दिउँसो गण्डकी, लुम्बिनी, कर्णाली र सुदूरपश्चिम प्रदेशलगायत देशको पहाडी भू–भागमा आंशिकदेखि साधारणतया बदली रहने जनाएको छ ।
कोशी, गण्डकी र कर्णाली प्रदेशका पहाडी भू–भागको थोरै स्थान र बाँकी पहाडी भू–भागका एकदुई स्थानमा मेघगर्जन र चट्याङसहित हल्का पानी पर्ने सम्भावना पनि उत्तिकै छ ।
लुम्बिनी तथा सुदूरपश्चिम प्रदेशका थोरै स्थानमा दिउँसो हावाहुरीको सम्भावना छ । उच्च पहाडी तथा हिमाली भू–भागको एकदुई स्थानमा हल्का हिमपातको सम्भावना छ ।
राति सुदूरपश्चिम प्रदेशलगायत देशका पहाडी भू–भागमा आंशिकदेखि साधारणसम्म मौसममा फेरबदल आउने विभागको भनाइ छ ।
कोआज राति नै काशी, गण्डकी, कर्णाली र सुदूरपश्चिम प्रदेशका पहाडी भू–भागको एकदुई स्थानमा मेघगर्जन र चट्याङसहित हलुका वर्षाको सम्भावना पनि छ ।
