काठमाडौँ । स्याङ्जाको फेदीखोला गाउँपालिकाका अध्यक्ष घनश्याम सुवेदी संघ, प्रदेश र स्थानीय तह (समन्वय तथा अन्तरसम्बन्ध) ऐन, २०७७ बमोजिम गठित विषयगत समितिको सदस्यमा मनोनित भएका छन् ।
देशभरिका स्थानीय तहका प्रमुख र अध्यक्ष मध्येबाट मनोनीत हुने सदस्यमा कानुन, न्याय तथा संसदीय मामिला मन्त्रालयले उनलाई मनोनयन गरेको हो ।
संघीय मन्त्रालय र स्थानीय तहबीच समन्वय गरी नीति तथा योजना कार्यान्वयन र विकास निर्माणका कामको प्रभावकारिता ल्याउन प्रदेश र स्थानीय तहबीच समन्वयका लागि कानुन मन्त्रीको अध्यक्षतामा विषयगत समिति गठन हुने प्रावधान छ ।
सुवेदी सो समितिको स्थानीय तहका तर्फबाट मनोनयन हुने एकजनाको कोटामा मनोनित भएका हुन् । ९ बैशाखमा समितिमा उनी मनोनित भएका हुन् ।
कोशी प्रदेश समन्वय परिषदमा केसी
यसैबीच संघ, प्रदेश र स्थानीय तह (समन्वय तथा अन्तरसम्बन्ध) ऐन, २०७७ बमोजिम गठित कोशी प्रदेश समन्वय परिषद सदस्यमा ओखलढुंगाको चम्पादेवी गाउँपालिकाका अध्यक्ष नवराज केसी मनोनित भएका छन् । प्रदेश मुख्यमन्त्रीले केसीलाई ११ वैशाखमा समन्वय परिषद सदस्यमा नियुक्त गरेका हुन् ।
