काठमाडौँ । चन्द्रागिरि नगरपालिकाले प्रज्ञान बचत तथा ऋण सहकारी संस्थाबाट रकम फिर्ता नपाएका बचातकर्तालाई प्रहरी बृत्त थानकोटमा जाहेरी दिन आग्रह गरेको छ । नगरपालिकाले बिहीबार एक सूचना जारी गर्दै थानकोट वृत्तमा जाहेरी दिन आग्रह गरेको हो ।

‘नगरपालिकाको वडा नम्बर १२ मा बलम्बुमा रहेको प्रज्ञान बचत तथा ऋण सहकारी संस्थामा रकम बचत गरी हालसम्म फिर्ता नपाएका बचतकर्ता सदस्यहरुले आफ्नो बचत गरेको प्रमाण (बचत पासबुक रसिद) सहीत जाहेरी दरखास्त पेश गर्नका लागि जानकारी गराई दिनुहुन अनुरोध छ’, नगरपालिकाले जारी गरेको सूचनामा भनिएको छ । 

यस्तै, सूचनामा नेपाल सरकार गृह मन्त्रालय अन्तरगत प्रहरी वृत्त थानकोटले बैशाख २५ गते पत्र पठाउँदै जाहेरी दिन आग्रह गरेको समेत उल्लेख छ ।