काठमाडौँ । फ्याक्टस नेपालले नयाँ तथ्यांक पुस्तक फ्याक्टस अफ नेपाल २०२४ सार्वजनिक गरेको छ । तथ्यांक र इन्फोग्राफिक्स समावेश गरिएको यो पुस्तकमा विभिन्न २४ वटा विषयवस्तु समेटिएको छ ।
विगतदेखि नै तथ्यांक पुस्तक प्रकाशन गर्दै आएको फ्याक्टस नेपाललको यो संस्करणले पाठकहरूलाई ज्ञान र डाटा सम्बन्धि विभिन्न लाभहरू प्रदान गर्ने प्रकाशको भनाइ छ । यसले सबै पृष्ठभूमिका व्यक्तिहरूलाई पहुँचयोग्य बनाउदै पाठकहरूको दैनिक जीवनमा प्रभावकारी रूपमा डेटा साक्षरताको लागि स्पष्ट र आकर्षक दृष्टिकोण प्रदान गर्दछ ।
यस २०२४ संस्करणले पाठकहरूलाई देशको विभिन्न क्षेत्रहरु जस्तै आर्थिक, कर्पाेरेट, सामाजिक, विकास र राजनीतिक लगायतका २४ वटा विषयवस्तुहरू समावेश गरी विस्तृत जानकारी प्रदान गर्दछ । यसमा समावेश गरेको इन्फोग्राफिक्स दृश्यात्मक रूपमा आकर्षक हुन साथसाथै बहुमूल्य तथ्य र अन्तरदृष्टि पनि दिन्छ ।
‘फ्याक्टस अफ नेपाल २०२४ आजको डाटा संचालित वातावरणमा फस्टाउन खोज्ने सबैका लागि आवश्यक स्रोत हो । यसले मानिसहरूलाई सूचनाको युगमा सक्रिय सहभागी हुन सशक्त बनाउँछ,’ प्रकाशकले भनेको छ ।
तथ्य अनुसन्धान र विश्लेषण प्रालि सन् २०१२ मा स्थापना भएको एक निजी अनुसन्धानात्मक संस्था हो । यो संस्था रिटेल अडिट सेवाहरू, अनुकूलित अनुसन्धान, अभियान रणनीति र ग्राहकहरूको लागि मिडिया गतिविधिमा विशेषज्ञ छ। यसले अनुसन्धानको आधारमा सही र कार्ययोग्य डाटा प्रदान गर्छ ।
यस संस्थाले आकर्षक छलफल र इन्फोग्राफिक्स मार्फत राष्ट्रिय टेलिभिजन, समाचारपत्रहरू, जर्नलहरू, र अनलाइन समाचार पोर्टल जस्ता विभिन्न मिडिया आउटलेटहरूसँग सहकार्य गरी तथ्याङ्क र तथ्यहरू सार्वजनिक गर्छ ।
यस पुस्तकको मूल्य ५ सय रुपैयाँ तोकिएको छ ।
