काठमाडौँ । तुलसीपुर उपमहानगरपालिकावाट पत्रकारका विभिन्न संगठन र जिल्लामा कार्यरत पत्रकारहरुले सवारीमा हाल्ने इन्धनसमेत मागेर चलाउने गरेको पाइएको छ ।
नेपाल पत्रकार महासंघ दाङ लाई उपमहानगरपालिकाले उपलव्ध गराएको विवरण अनुसार उपमहानगरपालिकाबाट विभिन्न मितिमा पत्रकारहरुका संगठन र पत्रकार गरी ३५ जनाले तेल लगेको भेटिएको छ ।
तेल लैजानेमा नेपाल पत्रकार महासंघका अध्यक्ष विपुल पोखरेलदेखि एमाले र माओवादी निकट पत्रकार संगठनहरुसमेत छन् ।
उनीहरुले १ सय लिटर देखि १० लिटरसम्म तेल उपमहानगरपालिकाबाट लगेका छन् ।
पत्रकारहरुले २०७८ सालमा विभिन्न मितिमा गरी १ हजार २१ लिटर तेल लिएको देखिन्छ । नेपाल पत्रकार महासंघका अध्यक्ष विपुल पोखरेलले १८ पुस २०७९ मा उपमहानगरवाट २५ लिटर तेल लिएको विवरणमा देखिन्छ ।
अध्यक्ष पोखरेलले वडापालिकासँग आफुले तेल लिएको नलिएको विषयमा वुझ्नुपर्ने बताए ।
सवैभन्दा वढी तेल प्रेस चौतारी नेपालले संस्थागत रुपमा लगेको देखिन्छ भने मेयरका प्रेस संयोजक ओपेन्द्र बस्नेतले दुइपटकसम्म लिएको देखिन्छ
हेर्नुहोस् कसले कति लिए तेल
