काठमाडौँ । आर्थिक वर्ष २०८१/८२ को नीति तथा कार्यक्रम बहुमतले पारित भएको छ । आइतबार बसेको प्रतिनिधि सभाको बैठकमा विपक्षीको नाराबाजीबीच सरकारको नीति तथा कार्यक्रम पारित भएको हो । 

सरकारको तर्फबाट गत जेठ १ गते राष्ट्रपति रामचन्द्र पौडेले संघीय संसदको संयुक्त बैठकमा सरकारको नीति तथा कार्यक्रम पेश गरेका थिए । 

१ बजे बजेट सार्वजनिक

आगामी आर्थिक वर्ष २०८१/८२ को बजेट पर्सी मंगलबार दिउँसो १ बजे सार्वजनिक हुने भएको छ। संघीय संसद्‍का दुवै सदनको संयुक्त बैठकमा अर्थमन्त्री वर्षमान पुनले बजेट प्रस्तुत गर्नेछन्।

यसका लागि सभामुख देवराज घिमिरेले मंगलबार दिउँसो १ बजे बैठक बोलाएका छन्। हरेक आर्थिक वर्षको बजेट जेठ १५ गते सार्वजनिक गर्नुपर्ने संवैधानिक व्यवस्था छ।

आजको प्रतिनिधि सभाले प्रतिपक्षी सांसदको विरोधका बीच सरकारको नीति तथा कार्यक्रम पारित गरेको छ।