काठमाडौँ । कलैया उपमहानगरपालिका मेयरको निर्देशनमा आधारभूत स्वास्थ्य केन्द्रमा जर्वजस्ती डोजर चलाउन खोजेपछि विवाद उत्पन्न भएको छ ।
कलैया उपमहानगरपालिकाका मेयर बिनोद साहको निर्देशनमा भूमाफियासँग मिलेर कलैयाका नगर प्रहरीले जितपुर सिमरा उपमहानगरको वडा नम्बर १८ मा पर्ने स्वास्थ्य केन्द्र भत्काउन खोजेको जितपुर सिमराको दाबी छ ।
सो नगरपालिकाको वडा नम्बर १८ का वडाअध्यक्ष चतुरबाबु वाग्लेले प्रेस विज्ञप्ति नै प्रकाशन गरेर मेयरले भूमाफियासँग मिलेर आफ्नो वडामा रहेको संरचनामा हस्तक्षेप गर्न खोजेको जनाएका छन् ।
उनले विज्ञप्तिमा एउटा स्थानीय सरकारले अर्को स्थानीय तहको भूगोलमा पर्ने जग्गा अतिक्रमण गर्न खोज्नु आपत्तिजनक विषय भएको बताएका छन् ।
१८ जेठमा कलैया उपमहानगरपालिकाका नगर प्रहरीले स्वास्थ्य केन्द्र भत्काउन खोजेपछि विवाद सुरु भएको हो । पछि जितपुर सिमरा र कलैया उपमहानगरबीच कुराकानी भएपछि अप्रिय घटना भने हुन पाएन ।
कलैयाका मेयर साहले सो विषय आफुले समाधान गर्ने प्रतिवद्धता जनाएपनि पछि वेवास्ता गर्न थालेपछि विज्ञप्तिमार्फत कार्यालयको धारणा सार्वजनिक गरेको वडाअध्यक्ष वाग्लेले जानकारी दिए ।
यस्तो छ विज्ञप्ति
