अब ललितपुर महानगरबासीको ढोकामै पुगेर गुनासो सुन्नेछन् नगर प्रहरी
ललितपुर । नगरबासीको गुनासो सुन्न, समाधान गर्न र सुझाव लिन ललितपुर महानगरपालिकाले हरेक वडामा नगर प्रहरी पारिचालन गर्ने भएको छ ।
आज एक कार्यक्रमबीच महानगरका मेयर चिरिबाबु महर्जन र नगर प्रहरी बल प्रमुख सिताराम हाछेथुले यो कार्यक्रमको शुभारम्भ गरेका छन् ।
‘सुन्दर ललितपुर नगरी, घर घरमा नगर प्रहरी’ अभियान अन्तर्गत दैनिक पचास जना नगर प्रहरी हरेक वडामा खटिने ललितपुर महानगर प्रहरी बलका प्रमुख हाछेथुले जानकारी गराए ।
उनका अनुसार वडामा खटिने प्रहरीले नगरवासीको गुनासो, सुझाव र समस्या तत्काल सुनुवाइ गर्ने छ ।
महानगरले एक कार्यक्रमको आयोजना गरेर ‘सुन्दर ललितपुर नगरी, घर घरमा नगर प्रहरी’ योजनाको उद्घाटन गरेको हो । मेयर चिरिबाबु महर्जनले नगर प्रहरीको उदाहरणीय कदमले नगर बासीको महानगर प्रतिको सम्बन्ध अझ प्रगाढ हुने बताए सो अवसरमा बताए ।
प्रकाशित मिति: बिहीबार, जेठ २४, २०८१ १२:२६
प्रतिक्रिया दिनुहोस्
थप समाचार
साताको लोकप्रीय
