काठमाडौं । केही दिनयता राजनीतिकमा नयाँ समीकरणको चर्चा भइरहेको छ । गत शनिबार एमाले अध्यक्ष केपी शर्मा ओली र कांग्रेस सभापति शेरबहादुर देउवाबीच भएको लामो भेटवार्ताले नयाँ सत्ता समीकरणको चर्चा हुन थालेको हो ।
सोमबार गर्माएको राजनीतिक भेटघाट र बैठकले सत्ता समीकरण परिवर्तनको आशंकालाई थप बल पुगेको छ । सत्ता समीकरण परिवर्तनको चर्चा भइरहेका बेला संसद् बैठकमा सहभागी भएर बाहिरिने क्रममा सञ्चारकर्मीले अध्यक्ष ओलीलाई ‘प्रधानमन्त्रीको शपथ’ कहिले लिने भन्दै प्रश्न गरेका छन् ।
जवाफ दिँदै ओलीले भने, “यस वर्ष त त्यस्तो लाग्दैन । यो वर्ष बन्छु जस्तो लाग्दैन ।”
कांग्रेस सभापति देउवाले ओलीलाई प्रधानमन्त्रीको प्रस्ताव गरेका छन् । सोमबार साँझ अध्यक्ष ओलीले आफ्ना मन्त्रीहरुलाई बालकोट बोलाएका छन् ।
तर, संघीय संसद् भवन परिसरमा ओलीले हाँस्दै सञ्चारकर्मीलाई ‘यो वर्ष आफू प्रधानमन्त्री बन्छुजस्तो लाग्दैन’ भन्ने कूटनीतिक जवाफ दिएर पन्छिए ।
