काठमाडौँ । स्थानीय तहले १० असारमा गाउँसभामा बजेट पेश गर्ने र असार समान्त भित्र बजेट पारित गरिसक्नुपर्ने प्रावधान छ ।
तर देशभरका २६ गाउँपालिकाले अझैबजेट पारित गर्न नसकेको गाउँपालिका राष्ट्रिय महासंघले जनाएको छ । महासँघका अनुसार अझै ८ प्रतिशत गाउँपालिकाले बजेट पारित गर्न बाँकी छ ।
४६० मध्ये ४२४ गाउँपालिकाले बजेट ल्याएर पारित समेत गरिसकेका छन् । जनप्रतिनिधिबीचको विवाद, प्रमुख प्रशासकीय अधिकृतहरु नहुुुनु, बजेट बिनियोजनमा देखिएको विवाद लगायतका कारण यी पालिकाले बजेट पारित गर्न नसकेको महासंघको भनाइ छ ।
महासंघका महासचिव खिमबहादुर थापाका अनुसार सवैभन्दा वढी बजेट ल्याृन नसक्नेमा मधेशका पालिका छन् । जहाँका २३ पालिकाले बजेट पारित गर्न सकेका छैनन् । कोशीमा भने एउटामात्र पालिकाले बजेट ल्याएको छैन ।
गण्डकीका सबै गाउँपालिकाले बजेट पारित गरिसक्दा बागमतीका ३, लुम्बिनीका ४, कर्णालीका ३ र सुदूरपश्चिमका २ वटा गाउँपालिकाले बजेट कार्यान्वयन गर्न सकेका छैनन् ।
