काठमाडौं । काठमाडौंबाट पोखरा जान लागेको सौर्य एयरलायन्सको विमान दुर्घटनामा परेको छ । 

काठमाडौँबाट पोखरातर्फ प्रस्थान गर्नेक्रमा सौर्य एयरलायन्सको ९ एन एएमई जहाज बुधबार बिहान ११ बजे दुर्घटनामा परेको हो । सो विमानमा सवार १८ यात्रुको मृत्यु भएको छ भने एकजनाको सशकुल उद्धार गरिएको छ । 

जहाज उड्ने क्रममा त्रिभुवन अन्तर्राष्ट्रिय विमानस्थलको ‘रन वे’ पूर्वतर्फको खाल्डोमा खसेको थियो । सौर्य एयरको जहाज मर्मतका लागि कर्मचारी र प्राविधिक लिएर पोखरा जाँदै गरेको उक्त विमान दुर्घटनामा परेको हो । 

कलसाइन अल्फा एमई रहेको सौर्य एयरको विमान उड्न लागेका बेला सन्तुलन बिग्रिएर दुर्घटनामा परेको बताइएको छ ।

तस्बिर स्राेत नेपाल प्रहरी