![सरकारको नाम आयो चाँदबाग स्कुलले उपभोग गरेको १० रोपनी जग्गा](https://www.odapalika.com/uploads/posts/chadbaag-school-1721888505.jpeg)
काठमाडौँ । तत्कालीन बाँसबारी छालाजुत्ता उद्योगका नाममा रहेको १० रोपनी जग्गा सरकारका नाममा फिर्ता आएको छ ।
सो जग्गालाई चाँदबाग स्कुलले अनधिकृत रुपमा उपभोग गर्दै आएकोमा ९ साउनमा जग्गा नेपाल सरकारको नाममा फिर्ता आएको हो ।
चाँदबाग रेसिडेन्सी प्रालिबाट नेपाल सरकारका नाममा जग्गा ल्याउन डिल्लीबजार मालपोत कार्यालयले गरेको पहलअनुसार काठमाडौँ महानगरपालिका वडा नम्बर ३ मा रहेको सो जग्गा फिर्ता आएको हो ।
महानगरको वडा नम्बर ३ को कार्यालयले ८ साउनमा उतारेको श्रेस्ताअनुसार मालपोल कार्यालय डिल्लीबजारले जग्गा नेपाल सरकारको नाममा कायम गर्ने निर्णय गरेको हो ।
गृह मन्त्रालय र भूमि व्यवस्था, सहकारी तथा गरिबी निवारण मन्त्रालयको पहलमा चाँदबाग रेसिडेन्सी प्रालिलाई २१ दिने म्यादको पत्र बुझाइएको थियो ।