काठमाडौँ । उच्च अदालत विराटनगरले धरान खानेपानी व्यवस्थापन बोर्ड कार्यालयमा ताला नलगाउन र खानेपानीको नियमित सेवा सञ्चालन गर्न दिन १० राजनीतिक दलका नाममा आदेश जारी गरेको छ ।
खानेपानीको महसुल वृद्धि गरेको भन्दै धरान उपमहानगरपालिकाका मेयर हर्क साम्पाङ अध्यक्ष रहेको बोर्डमा कांग्रेस, एमालेसहितका स्थानीय १० राजनीतिक दलले बोर्ड कार्यालयमा तालाबन्दी गरेर आन्दोलन गरिरहेका छन् ।
मंगलबार न्यायाधिश राजेन्द्र अधिकारीको एकल इजलासले दलहरुविरुद्ध २८ साउनसम्म तालाबन्दी नगर्न आदेश जारी गर्दै सो दिन अन्तरिम आदेशलाई निरन्तरता दिने नदिने विषयमा छलफलका लागि बोलाएको छ ।
दलहरुको नेतृत्वमा बोर्डमा तालाबन्दी भएपछि धरान उपमहानगरपालिकाका मेयर हर्क साम्पाङले उच्च अदालतमा रिट दायर गरेका थिए । सोही रिटमा सुनुवाइ गर्दै अदालतले यस्तो आदेश दिएको हो ।
अदालतको आदेशसँगै दलहरुले बोर्डमा लगाएको ताला तत्काल खोल्नुपर्ने भएको छ ।
-1722948875.jpg)
