सुनसरी । सुनसरीको धरान उपमहानगरपालिकामा देखिएको खानेपानी महसुल वृद्धिको विवाद सकिएको छ । मेयर संयोजक रहने खानेपानी बोर्डले साउन १ गतेदेखि लागु हुने गरी खानेपानीसहितमा महसुल वृद्धि गरिएपछि उपमेयर अइन्द्रविक्रम बेघासहित १० राजनीतिक दल र उपभोक्ता समिति आन्दोलित भएका थिए ।
आन्दोलन भइरहे पनि त्यसको प्रतिवाद गर्दै बसेका मेयर हर्क साम्पाङ आइतबार राति सहमतिमा आएर विवाद समाधान गरेका छन् । आफ्नो निर्णयबाट मेयर साम्पाङ पछि हटेसँगै तीन बुँदे सहमति गरेर विवाद समाधान गरिएको छ ।
मेयर साम्पाङले विवाद समाधानमा कसैको हार र जित नभएर सबैले जित्नेगरी सहमति भएको प्रतिक्रिया दिएका छन् । ‘वार्ता वीन वीन सिचुएसनमा सम्पन्न भएको छ,’ मेयर साम्पाङले भनेका छन् ।
सहमतिसँगै तीन सातादेखि आन्दोलनरत १० राजनीतिक दल र स्थानीय उपभोक्ताले आफ्ना आन्दोलनका कार्यक्रम फिर्ता लिएका छन् भने वार्तामा भएको सहमति सोमबार दिउँसो सार्वजनिक गर्ने तयारी गरिँदै छ ।
आइतबार दिउँसोबाट सुरु भई राति सकिएको वार्तामा तीनबुँदे सहमति भएको छ । वार्तामा खानेपानी महसुलमा गरिएको वृद्धि तत्काललाई फिर्ता लिने, खानेपानी बोर्डको पूर्णताबारे उच्च अदालतको फैसला मान्ने र सात दिनभित्र बोर्डको हिसाब सार्वजनिक गर्ने तीनबुँदे सहमति भएको हो ।
यी पनि
- धरान अशान्त बनेपछि मेयर साम्पाङको भावुक स्टाटस– जसको लागि दुःख गरेँ, तिनैले मृत्युको कामना गरे
- धरानको खानेपानी बन्द नगर्न १० दललाई अदालतको आदेश
- खानेपानीको शुल्क बढाउने धरानका मेयर हर्क साम्पाङलाई ‘झट्का’ लाग्ने आयोगको पत्र (पत्रसहित)
- खानेपानीको शुल्क बढाएपछि धरानमा प्रदर्शन, मेयर हर्क साम्पाङको मागियो राजीनामा
- धरानका मेयर साम्पाङको निर्देशन पालना गर्दा पक्राउ परे नगर प्रहरीका असई
