काठमाडौँ । जल तथा मौसम विज्ञान विभागले आज विहानैबाट देशका कतिपय प्रदेशमा पानी परिरहेको बताएको छ ।
बिहानैबाट कोसी, मधेस, बागमती, गण्डकी र लुम्बिनी प्रदेशका केही स्थानमा हल्कादेखि मध्यम वर्षा भइरहेको छ ।
विभागका अनुसार दिउँसो देशभर साधारणतया बदली रहने र कोसी, बागमती, गण्डकी र लुम्बिनी प्रदेशका केही स्थानमा मेघगर्जन र चट्याङसहित हल्कादेखि मध्यम वर्षाको सम्भावना छ ।
कोसी, वाग्मती, गण्डकी, कर्णाली र लुम्बिनी प्रदेशका एकदुई स्थानमा भारी वर्षा पनि हुने अवस्था विभागले औँल्याएको छ ।
आज राति देशभर साधारणतया बदली हुँदा कोसी, मधेस, बागमती, गण्डकी र लुम्बिनी प्रदेशका केही स्थानमा मेघगर्जन र चट्याङसहित हल्कादेखि मध्यम वर्षा हुने देखिएको छ ।
विभागका अनुसार मनसुनी र स्थानीय वायुको प्रभाव कायम नै रहेपनि विगतको तुलनामा भारी वर्षको सम्भावना भने विस्तारै घट्दै गएको छ ।
