ललितपुर । नेकापा एकीकृत समाजवादीले २०८३ सालमा हुने स्थानीय तह निर्वाचनमा भाग लिएर बहुसंख्यक पालिकामा बहुमतसहित बिजयी हुने लक्ष्यका साथ पार्टीका गतिविधिलाई अघि वढाउने निर्णय गरेको छ ।
ललितपुरमा ५ देखि ७ भदौसम्म चलेको बैठकले स्थानयि तह निर्वाचनलाई प्राथमिकतामा राखेर पार्टी गतिविधि सञ्चालन गर्ने निर्णय गरेको प्रवक्ता जगन्नाथ खतिवडाले बताए ।
बैठकले आगामी १४ देखि १८ माघमा पार्टीको महाधिवेशन गर्ने भएको छ ।
पार्टी फुटपछि पहिलो पटक हुन लागेको यो महाधिवेशनलाई नेकपा एसले १०औँ महाधिवेशन भनेको छ । उसले एमालेको लिगेसी आफुहरुसँग भएकाले अब हुने महाधिवेशन पनि एमालेकै जस्तो १०औँ हुने तर्क गरेको छ ।
१५ दिन पनि निरन्न्तर पार्टीका काममा खट्न नसक्ने कुनैपनि कमिटीका अध्यक्ष र सचिवलाई जिम्मवारीबाट नहटे स्वतः हटाउने निर्णय पनि बैठकले गरेको छ ।
बैठकले एमसीसी परियोजनाको अनुगमन बनाउन समिति गठन गर्ने, केन्द्रीय सदस्यहरुको जिम्मेवारी हेरफेर गर्नेलगायतका निर्णयसमेत गरेको छ ।
३ दिनसम्म चलेको बैठकमा बोल्ने अधिकांश सदस्यले पार्टी अध्यक्ष माधव नेपालको कार्यशैली र नेतृत्व क्षमतामाथि प्रश्न उठाएका थिए । सम्मानित नेता झलनाथ खनाललगायतको आपत्तिपछि बैठकले अध्यक्षको प्रतिवेदनलाई परिमार्जनसहित पारित गरेको जनाएको छ ।
