काठमाडौँ । विदेशमा गएका नेपालीले गत वर्ष १४ खर्ब ४५ अर्ब ३२ करोड रुपैयाँ नेपाल पठाएका छन् ।

उनीहरुले पठाएको रकम अघिल्लो आर्थिक वर्षको तुलनामा १६.५ प्रतिशतले बढी हो । यद्यपि, अघिल्लो आर्थिक वर्षको तुलनामा गत आर्थिक वर्षमा विदेशमा गएका नेपालीले पठाउने रकमको बृद्धिदर घटेको छ । अघिल्लो आर्थिक वर्षमा विदेश गएका नेपालीले पठाउने रकमको बृद्धिदर २३.२ प्रतिशत थियो ।

विदेशमा रहेका नेपालीले पठाएको रकम बढी देखिएको अमेरिकी डलरको विनिमय दरमा आएको परिवर्तनले पनि हो । यद्यपि, अमेरिकी डलरमै पनि बढी देखिएकोले रकम बढेको भने पुष्टी हुन्छ । अमेरिकी डलरमा विप्रेषण आप्रवाह १४.५ प्रतिशतले वृद्धि भई रु.१० अर्ब ८६ करोड पुगेको छ । अघिल्लो वर्ष यस्तो आप्रवाह १३.९ प्रतिशतले बढेको थियो ।