२८ वडाअध्यक्षसहित ३५ जनप्रतिनिधिले गुमाए ज्यान, यी स्थानीय तहमा हुँदैछ उपनिर्वाचन

वडापालिका बुधबार, भदौ ५, २०८१

२८ वडाअध्यक्षसहित ३५ जनप्रतिनिधिले गुमाए ज्यान, यी स्थानीय तहमा हुँदैछ उपनिर्वाचन

काठमाडौँ । हुम्लाको सर्केगाड गाउँपालिकाका उपाध्यक्ष चन्द्रसिंह कार्कीको सवारी दुर्घटनामा परेर निधन भएसँगै स्थानीय तहका ३५ स्थानमा जनप्रतिनिधि रिक्त भएका छन् ।

निर्वाचन आयोगले ३४ स्थानमा उपनिर्वाचनको तयारी थाले पनि मंगलवार कार्कीको निधन भएपछि सो स्थानमा समेत उपनिर्वाचन गर्नुपर्ने भएको हो ।

१ जना मेयर १ जना उपमेयर, २ जना अध्यक्ष र ३ जना उपाध्यक्षसहित अब ३५ स्थानमा उपनिर्वाचन हुने भएको छ ।

काठमाडौँको किर्तिपुर नगरपालिका मेयर र जाजरकोटको नलगाड नगरपालिका उपमेयरको निधन भएपछि ती पदमा उपनिर्वाचन हुँदैछ ।

मोरङको ग्राथमान गाउँपालिका अध्यक्ष, दैलेखको महावु गाउँपलिका अध्यक्ष, दोलखाको गौरीशंकर गाउँपालिका उपाध्यक्ष, बाजुराको स्वामिकार्तिक खापर गाउँपालिका उपाध्यक्ष र हुम्लाको सर्केगाड गाउँपालिकाका उपाध्यक्षको पनि निधन भएको छ । ती पदमा पनि उपनिर्वाचन हुँदै छ ।

सवैभन्दा वढी वडाअध्यक्षहरुको पद रिक्त छ । देशभर २८ जना वडाअध्यक्षहरुको पद रिक्त छ । ती स्थानमासमेत एकैपटक निर्वाचन गर्ने आयोगको तयारी छ ।

स्थानीय तहका जनप्रतिनिधिको मृत्यु भएमा, राजीनामा दिएमा, विद्यमान कानुन अनुसार पदमुक्त भएमा उपनिर्वाचन गर्नुपर्ने संवैधानिक व्यवस्था छ ।

रिक्त रहेका पदको पदावधि १ वर्षभन्दा वढी भएको अवस्थामा मात्र ती स्थानमा उपनिर्वाचन गर्ने व्यवस्था छ ।

हेर्नुहोस् कहाँ कुन पदका लागि हुँदैछ उपनिर्वाचन

मेयर/उपमेयर

काठमाडौँको किर्तिपुर नगरपालिका मेयर

जाजरकोटको नलगाड नगरपालिका उपमेयर

अध्यक्ष/उपाध्यक्ष

मोरङको ग्राथमान गाउँपालिका अध्यक्ष

दैलेखको महावु गाउँपालिका अध्यक्ष

दोलखाको गौरीशंकर गाउँपालिका उपाध्यक्ष

बाजुराको स्वामिकार्तिक खापर गाउँपालिका उपाध्यक्ष