स्थानीय तहको उपनिर्वाचनमा एमालेले तालमेल गर्छ ? पार्टी बैठकमा ओलीको यस्तो जवाफ
काठमाडौँ । प्रधानमन्त्रीसमेत रहेका एमाले अध्यक्ष केपी शर्मा ओलीले आगामी स्थानीय तहको उपनिर्वाचन प्रतिस्पर्धाबारे सार्वजनिक रुपमा आफ्नो धारणा राखेका छन् ।
मंगलबार च्यासलस्थित पार्टी मुख्यालयमा पोलिटब्यूरो बैठक उद्घाटन गर्दै अध्यक्ष ओलीले आगामी स्थानीय तहको उपनिर्वाचनमा कसैसँग तालमेल नगरी एक्लै प्रतिस्पर्धा गर्ने बताएका हुन् ।
स्थानीय तहको उपनिर्वाचनमा एक्लै प्रतिस्पर्धा गर्ने भएकाले सोहीअनुसार तयारी गर्न अध्यक्ष ओलीले सदस्यहरुलाई निर्देशन दिए ।
पछिल्ला निर्वाचनमा दलहरु गठबन्धन गरेर चुनावी प्रतिस्पर्धामा दलहरु गएका बेला अध्यक्ष ओलीले अब स्थानीय तहको उपनिर्वाचनबाट एक्लाएक्लै चुनावी प्रतिस्पर्धा गर्ने अवस्थाको सुरुआत गर्नुपर्ने बताए ।
प्रकाशित मिति: मंगलबार, भदौ १८, २०८१ १७:५७
प्रतिक्रिया दिनुहोस्
साताको लोकप्रीय
