काठमाडौँ । सहकारी ठगी अभियोगमा संसदीय छानविन समितिको सोधपुछको घेरामा परेको रास्वपालाई सत्ता गठबन्धन दलहरूले अर्को झट्का दिएका छन् ।
रास्वपाबाट निर्वाचित उपसभामुख इनिदरा राना मगरविरूद्ध सत्ता गठबन्धन दलले पदीय मर्यादाको दुरूपयोग अभियोगमा प्रतिनिधिसभामा प्रस्ताव दर्ता गर्दैछन् ।
यस्तो प्रस्ताव सभामा तत्काल कायम रहेका सदस्य सख्याको बहुमतले पारित भएमा उपसभामुख स्वतः पदमुक्त हुनेछिन्।
वर्तमान सत्ता गठबन्धनसँग उपसभामुखलाई पदमुक्त गर्न दुइ तिहाइ मत छ । प्रधानमन्त्री केपी ओलीलाई विश्वासको मत दिएका १८८ जना सांसदले रानाको पदीय मर्यदामा प्रश्न उठाएको अवस्थामा उनी स्वत पदमुक्त हुनेछिन् ।
प्रतिनिधि सभामा नेपाली कांग्रेसका ८८, नेकपा एमालेका ७९, जसपाका ७, जनमत पार्टीका ६, लोसपा नेपालका ४ र नागरिक उन्मुक्ति पार्टीका ४ सांसद छन् ।
सत्ता गठबन्धनका यी सबै दलको कुल सांसद भनेको १८८ जना हो । दुई तिहाइका लागि जम्मा १८४ सांसदको समर्थन भए पुग्छ ।
रानाले पदीय मर्यदा विपरित अवैध ढंगले अमेरिका जान केही व्यक्तिहरूलाई सिफारिस गर्दै अमेरिकी दूतावासमा पत्राचार गरेको समाचारबाहिरिएपछि उनी विवादमा छिन् ।
उता रानाले भने आफुले पदबाट राजिनामा नदिने वा संसदमा आचरणका विषयमा उठेका प्रश्नमा जवाफ दिन र छलफल गर्न तयार रहेको बताएकी छन् ।
उनी आवद्ध दल रास्वपाले पनि रानाको पक्षमा डटेर सामना गर्न सांसदहरूलाई निर्देशन दिएको छ । सत्ता गठबन्धन दलले भने आजै उपसभामुखविरूद्ध आचरणमा प्रश्न उठाउँदै सभामुखसमक्ष प्रस्ताव ल्याउने तयारी गरिहेका छन् ।
