शीतगङ्गा नगरपालिकामा जिप दुर्घटना, १ जनाको मृत्यु ९ घाइते
काठमाडौँ । अर्घाखाँचीको शीतगङ्गा नगरपालिका वडा नम्बर १२ हिलेखोलामा जिप दुर्घटना हुँदा १ जनाको मृत्यु भएको छ । ९ जना घाइते भएका छन् ।
छत्रदेव गाउँपालिकाबाट बुटवलतर्फ जाँदै गरेको लु१ज ४७६३ नम्बरको डबल क्याप शीतगङ्गा नगरपालिका वाड–१२ हिलेखोलामा दुर्घटना हुँदा एक जनाको मृत्यु भएको हो । मृतकको पहिचान हुन बाँकी छ ।
दुर्घटनामा परी ९ जना घाइते भएका छन् । घाइतेमध्ये ४ जनालाई थप उपचारका लागि बुटवल रिफर गरिएको छ भने अन्यको प्राथमिक स्वास्थ्य केन्द्र ठाडा उपचार भइरहेको ठाडा इलाका प्रहरी कार्यालय प्रमुख रविन्द्र चन्दले जानकारी दिए । जिपमा चालकसहित १० जना सवार थिए ।
प्रकाशित मिति: बुधबार, भदौ २६, २०८१ १३:१६
प्रतिक्रिया दिनुहोस्
साताको लोकप्रीय
