काठमाडौँ । नेपाल प्रहरीको साइबर ब्यूरो भोटाहिटीका तत्कालीन प्रहरी निरीक्षक (इन्स्पेक्टर) बुद्धिप्रसाद सुवेदीविरुद्ध भ्रष्टाचारको मुद्दा दर्ता भएको छ ।
सेवाग्राहीसँग ९९ हजार रुपैयाँ घुस लिएको ठहर गर्दै अख्तियार दुरुपयोग अनुसन्धान आयोगले उनीविरुद्ध बिहीबार विशेष अदालत काठमाडौँमा भ्रष्टाचारको मुद्दा दर्ता गरेको हो ।
साइबर अपराधको मुद्दा मिलाई दिन्छु भनेर सेवाग्राहीसँग ९९ हजार घुस लिएकाले उनीविरुद्ध मुद्दा दर्ता गरेको आयोग प्रवक्ता नरहरि घिमिरेले जानकारी दिए ।
प्रहरी निरीक्षक सुवेदीलाई भ्रष्टाचार निवारण ऐन, २०५९ को दफा ३ को उपदफा (१) बमोजिमको कसुरमा बिगो ९९ हजार कायम गरी भ्रष्टाचार निवारण ऐन, २०५९ को दफा ३ को उपदफा (१) को देहाय (ग) बमोजिम कैद सजाय गरी सोही ऐनको दफा ३ को उपदफा (१) अनुसा बिगो बमोजिम जरिमाना हुन मागदावी लिई मुद्दा दर्ता गरिएको प्रवक्ता घिमिरेले बताए ।
