काठमाडौँ । हरेक ५ वर्षमा बाराको गढीमाइ मन्दिरमा लाग्ने मेला व्यवस्थापन र संचालन गर्न समिति गठन गरिएको छ ।
आगामी मङ्सिरमा लाग्ने मेलालाई सभ्य, भव्य बनाउन महागढीमाइ नगरपालिकाका नगरप्रमुख उपेन्द्र यादवको अध्यक्षतामा १११ सदस्यीय समिति गठन गरिएको हो ।
समितिमा स्थानीयर राजनीतिक दलका प्रतिनिधिसहित १६ वटा स्थानीय तहका प्रमुख उपप्रमुख, अध्यक्ष र उपाध्यक्षहरु छन् ।
समितिको उपाध्यक्षहरुमा मनोजकुमार गुप्ता, रामचन्द्रप्रसाद साह, रामबाबुप्रसाद यादव र कलैश महतो चयन भएको नवगठित मेला समितिका अध्यक्ष उपेन्द्र यादवले जानकारी दिए ।
समितिको महासचिवहरुमा वीरेन्द्रप्रसाद यादव, नरेशप्रसाद जयसवाल, उपेन्द्रप्रसाद गुप्ता, सचिवहरुमा उमरावती देवीलहेरीन, नितुकुमारी गुप्ता र कोषाध्यक्षमा वीरेन्द्रप्रसाद चौरसिया चयन भएका छन् ।
समितिको सदस्यमा सबै राजनीतिक दलका प्रतिनिधि, १६ वटा पालिकाका प्रमुख र उपप्रमुख छन् । गढीमाइ मेलामा देश विदेबाट मेला भर्न तीर्थयात्रीहरु आउने गर्दछन् ।
