काठमाडौँ । ताप्लेजुंगको सिरिजङ्घा गाउँपालिका वडा नम्बर ३ का वडाध्यक्ष दिलप्रसाद बोखिमले विदेशबाटै राजीनामा पठाएका छन् ।
बैदेशिक रोजगारीका लागि ११ महिना अघि वडाका काम छाडेर हङकङतिर लागेका बोखिमले वडाध्यक्ष बोखिमले गाउँपालिकाको अध्यक्षमार्फत ताप्लेजुङ जिल्ला निर्वाचन कार्यालयलाई सम्बोधन गरेर राजीनामा पठाएका हुन् ।
उनले १८ असोजदेखि लागू हुनेगरी राजीनामा दिएका हुन् । २४ कात्तिक २०८० देखि वडामा अनुपस्थित उनले जनताको सेवा गर्न नसकेकामा दुःख व्यक्त गर्दै आफ्नो जिम्मेवारी कार्यवाहक वडाध्यक्षलाई सुम्पिएको राजीनामामा लेखेका छन् ।
जिल्ला निर्वाचन आयोगका अनुसार उनले राजीनामा पठाएका हुन् । हालै स्थानीयले वडाध्यक्ष बोखिमको अनुपस्थितिका कारण विकास र प्रशासनिक काममा बाधा उत्पन्न भएको भन्दै निजमाथि कारबाहीको माग गर्दै गाउँपालिका अध्यक्ष लालकृष्ण चौहानलाई ज्ञापनपत्र बुझाएका थिए ।
