काठमाडौँ । काभ्रेपलाञ्चोकको पाँचखाल नगरपालिकाका मेयर महेश खरेलले बाढीपहिरो र डुबान प्रभावित तीन स्थानीय तहलाई पाँच पाँच लाख रुपैयाँ आर्थिक सहयोग गर्ने भएका छन् ।
मेयर खरेलले आफ्नो व्यक्तिगत तर्फबाट काभ्रेकै बाढीपहिरो र डुबानबाट प्रभावित पनौती नगरपालिका, बेथानचोक गाउँपालिका र रोशी गाउँपालिकालाई पाँच पाँच लाख रुपैयाँ सहयोग गर्न लागेका हुन् ।
यसबारे आइतबार बसेको कार्यपालिकाको बैठक मेयर खरेलले जानकारी गराएका प्रमुख प्रशासकीय अधिकृत अच्युतराज रेग्मीले वडापालिकालाई जानकारी दिए ।
‘मेयरज्यूले पनौती, रोशी र बेथानचोकलाई पाँच पाँच लाख गरी १५ लाख रुपैयाँ सहयोग गर्न लागेको बैठकमा जानकारी गराउनुभयो,’ उनले भने, ‘यसपछि कार्यपालिका सदस्य र हामीले उहाँलाई धन्यवाद दियौँ ।’
व्यक्तिगत सहयोग भएकाले बैठकले निर्णय गर्नु नपर्ने उनले जानकारी दिए ।
बाँकी कार्यकालबाट प्राप्त हुने पारिश्रमिक र भत्ता सबै बाढीपहिरो प्रभावित स्थानीय तहलाई दिने निर्णय गरेको मेयर खरेलले वडापालिकालाई जानकारी दिए ।
‘अब बाँकी कार्यकालबाट प्राप्त हुने पारिश्रमिक र भत्ता तीन स्थानीय तहलाई दिने निर्णय गरेको हुँ,’ उनले भने, ‘पारिश्रमिक र भत्ताबाट अपुग हुने रकम थपेर १५ लाख रुपैयाँ तीन स्थानीय तहलाई सहयो गर्न लागेको हुँ ।’
