काठमाडौं । जिल्ला समन्वय समितिले काठमाडौँले बागमतीमा र्याफ्टिङ कार्यक्रम गर्ने भएको छ । जिससले १६ भदौंमा बागमतीमा र्याफ्टिङआयोजना गर्ने जानकारी दिएको हो ।
समितिप्रमुख सन्तोष बुढाथोकीले बागमती नदीलाई स्वच्छ राख्न र बागमती सभ्यतालाई जगाउनुका साथै समाजमा सकारात्मक सन्देश दिन बागमती नदीमा पहिलो पटक र्याफ्टिङ कार्यक्रमको आयोजना गर्न लागेको बताए ।
जिससका अनुसार काठमाडौँका ४ वटा नगरपालिकाको सहयोगमा कार्यक्रम गर्न लागिएको हो । यो कार्यक्रममा काठमाडौंँ महानगरपालिका, तारकेश्वर नगरपालिका, गोकर्णेश्वर नगरपालिका र बुढानिलकण्ठ नगरपालिकाको सहयोग छ ।
उनले भने, ‘जिल्ला समन्वय समिति काठमाडौंले वागमती नदीलाई स्वच्छ राख्न र बागमती सभ्यतालाई जगाउनुका साथै समाजमा सकारात्मक सन्देश दिन बागमती नदीमा पहिलो पटक ¥याफ्टिङ कार्यक्रमको आयोजना गर्न लागेको छौं । ’
र्याफ्टिङ शनिबार बिहान ७ः३० देखि सुन्दरीजलबाट सुरु भई बेलुका ५ बजे चोभारमा समापन गर्ने कार्यक्रम छ ।
