काठमाडौँ । धरान उपमहानगरपालिकाका मेयर हर्कराज राई साम्पाङले कानुनविपरित वडाअध्यक्षलाई कार्यवाहकको जिम्मेवारी दिएको भन्दै धरानका राजनीतिक दलहरुले चर्को आलोचना गरेका छन् ।
मेयर साम्पाङले ससुराली तिरको नाता पर्ने नेपाली कांग्रेसबाट निर्वाचित वडा नम्बर ११ का अध्यक्ष लोकेन्द्र फागोलाई कार्यवाहक मेयरको जिम्मेवारी दिएका छन् ।
स्थानीय सरकार संचालन ऐनलगायतका प्रचलित कानुनले मेयर या अध्यष सात दिनभन्दा बढी कार्यालयमा अनुपस्थित रहेमा उपाध्यक्ष या उपप्रमुखलाई कार्यवाहक दिनुपर्ने व्यवस्था गरेको छ ।
तर साम्पाङले भने यो व्यवस्थालाई चुनौती दिदै वडाअध्यक्षलाई कार्यवाहक दिएर हिडेका छन् ।
कार्यवाहक नदिएको भन्दै उपप्रमुख अइन्द्रविक्रम बेघाले अदालत जाने बताइसकेका छन् ।
अदालतले यसअघि यसरी वडाअध्यक्ष्लाई दिइएको कार्यवाहक कार्यान्वयन नगर्न पटक पटक आदेश दिइसकेको छ ।
यो थाहा पाउँदा पाउँदै मेयर साम्पाङले कानुन मिचेर बलजफ्ती गरेको भन्दै कांग्रेस बाहेकका दलहरुले विज्ञप्तिमार्फत विरोध जनाएका हुन् ।
यस्तो छ उनीहरुको विज्ञप्ति
