काठमाडौँ । बागलुङमा यात्रुवाहक बस दुर्घटना हुँदा २२ जना घाइते भएका छन् । रुकुमपूर्वबाट काठमाडौं जाँदै गरेको ना ८ ख ८४१४ नम्बरको रात्रि बस निसीखोला गाउँपालिका–६ को जाउलेपानीमा दुर्घटना हुँदा २२ जना घाइते भएका हुन् । 

दुर्घटनामा २२ जना घाइते भएका र चारजनाको अवस्था चिन्ताजनक रहेको निसीखोला गाउँपालिका वडा नम्बर ६ का वडाध्यक्ष हेमबहादुर बुढामगरले वडापालिकालाई जानकारी दिए । 

‘रुकमबाट काठमाडौँ जाँदै गरेको बस पल्टिँदा दुर्घटना भएको हो । दुर्घटनामा २२ जना घाइते भएका छन्,’ उनले भने, ‘घाइतेमध्ये चारजनाको अवस्था चिन्ताजनक छ ।’ 

उनका अनुसार घाइतेलाई उपचारका लागि प्राथमिक स्वास्थ्य केन्द्र बुर्तिवाङ पठाइएको छ ।