भक्तपुर । भक्तपुरको चाँगुनारायण नगरपालिकाले आगामी ३ वर्षभित्रमा नगरलाई ‘एभोकाडो सिटी’का रुपमा विकास गर्ने भएको छ ।
‘चाँगुनारायण सिटी, एभोकाडो सिटी’ अभियान अन्तर्गत नगरपालिकाको पहलमा हरेक घरले २ वटा एभोकाडो अनिवार्य लगाउनुपर्ने नीति पालिकाको छ ।
बागमतीका प्रदेशका मुख्यमन्त्रीका राजनीतिक सल्लाहकार डिपी ढकालले स्थानीयलाई एभोकाडोको बिरुवा हस्तान्तरण गरेर अभियान सुरु गरेका छन् ।
अर्यालका अनुसार आगामी ३ वर्षभित्र नगरपालिका क्षेत्रभित्रका १७ हजार ६८३ घरधुरीमा २ वटाका दरले एभोकाडोको बिरुवा रोपिने योजना छ ।
विश्व सम्पदा सूचीमा रहेको चाँगुनारायण मन्दिर रहेको यो नगरले एभोकाडोको समेत पहिचान बनाउन खोजेको नगरपालिकाले जनाएको छ ।
यो अभियानका संयोजक नरेश खड्काका अनुसार स्थानीयले निःशुल्क रुपमा एभोकाडोको विरुवा पाउनेछन् ।
केही वर्षयता नेपालमा एभोकाडोको व्यावसायिक खेत गर्न थालिएको छ । एभोकाडोको एउटा बोटले तीन वर्षदेखि फल दिन थाल्ने र एउटा बोटले ३ क्विन्टलसम्म फल दिने विज्ञहरु बताउँछन् ।
