कांग्रेसले ग्रामथानको अध्यक्षमा बलराम सरदारलाई अध्यक्षमा उठाउने
मोरङ । नेपाली कांग्रेसले मोरङको ग्रामथान गाउँपालिकाको अध्यक्षमा बलराम सरदारलाई उम्मेदवार बनाउने भएको छ ।
निर्वाचन आयोगले विभिन्न स्थानीय तहमा रिक्त ४२ पदका लागि मंसिर १६ गते उपनिर्वाचन गर्दै छ । मंसिर २ गते उम्मेदवारी दर्ता कार्यक्रम रहेकाले दलहरु उम्मेदवार टुंगो लगाउने कार्यमा जुटिरहेका छन् ।
सोही क्रममा कांग्रेसको मोरङको संसदीय समिति बैठकले ग्रामथानको अध्यक्षमा सरदारलाई उठाउने निर्णय गरेको हो । उनी कांग्रेस पूर्वमहासमिति सदस्यसमेत हुन् ।
२०७९ सालको निर्वाचनमा नेपाली कांग्रेसबाटै अध्यक्षमा निर्वाचित जयप्रकाश गच्छदारको हृदयाघातका कारण मृत्यु भएपछि ग्रामथानमा उपनिर्वाचन हुन लागेको हो ।
यसअघि माओवादी केन्द्रले मनोनारायण माझीलाई अध्यक्षको उम्मेदवार बनाउन निर्णय गरिसकेको छ ।
प्रकाशित मिति: शुक्रबार, कात्तिक २३, २०८१ ११:३५
प्रतिक्रिया दिनुहोस्
थप समाचार
साताको लोकप्रीय
