काठमाडौँ । नेकपा माओवादी केन्द्रले काठमाडौँको कीर्तिपुर नगरपालिकाको मेयर र दुई वडाध्यक्ष पदका लागि उम्मेदवारी घोषणा गरेको छ । 

बुधबार आयोजित उम्मेदवार घोषणा कार्यक्रममा अध्यक्ष पुष्पकमल दाहाल प्रचण्डको उपस्थितमा माओवादीले कीर्तिपुर मेयरमा प्रा. डा. शिवशरण महर्जन र वडा नम्बर १ को वडाध्यक्षमा अष्टमान महर्जन र ४ नम्बरको वडाध्यक्षमा अध्यक्ष नारायण विष्टलाई उम्मेदवार बनाएको घोषणा गरेको हो । 

यसअघि २०७९ सालको निर्वाचनमा मेयरमा प्रतिस्पर्धा गरेका महर्जन तेस्रो भएका थिए ।

स्थानीय तहको उपनिर्वाचन आउँदो मंसिर १६ गते हुँदै छ भने मंसिर २ गते उम्मेदवारको मनोनयन दर्ता गर्ने कार्यक्रम छ । 
याे पनि 

• मेयरको निर्वाचन हुन लागेको कीर्तिपुर नगरपालिकामा कुन दल बलियो ? यस्तो छ २०७९ को अंकगणित
• उपनिर्वाचन हुन लागेको कीर्तिपुर, ग्रामथान र महाबुको कुन दलको हैसियत कस्तो ?
• एमालेले गर्‍यो कीर्तिपुर नगरपालिकाको मेयरमा डा. सुरेन्द्र मानन्धरको उम्मेदवारी घोषणा