काठमाडौँ । दिवंगत पूर्वसभामुख दमननाथ ढुंगानाप्रति राष्ट्रिय झण्डा ओढाएर सम्मान व्यक्त गरिएको छ ।काठमाडौंको सानोगौचरनमा राखिएको दिवंगत पूर्वसभामुख ढुंगानाको पार्थीव शरीरमा प्रधानमन्त्री केपी शर्मा ओलीले राष्ट्रिय झण्डा ओढाएर सम्मान व्यक्त गरेका हुन् । 

ढुंगानालाई श्रद्धाञ्जली दिन पूर्वप्रधानमन्त्रीहरु शेरबहादुर देउवा, पुष्पकमल दाहाल प्रचण्ड, माधवकुमार नेपाल, डा. बाबुराम भट्टराईसहित विभिन्न राजनीतिक दलका नेता तथा कार्यकर्तादेखि विभिन्न क्षेत्रमा क्रियाशील व्यक्ति सानो गौचरन पुगेका थिए ।  

सोही क्रममा उनको पार्थीव शरीरमा कांग्रेसका सभापति शेरबहादुर देउवाले कांग्रेस पार्टीको झन्डा पनि ओढाएर सम्मान व्यक्त गरेका छन् ।

ढुंगानाको आइतबार निधन भएको थियो । उनकाे आइतबार नै पशुपति आर्यघाटमा अन्त्येष्टि गरिएकाे छ ।